Du Singe, du Renart et du Lievre.
Ysopete I. Fable XXXVII: Du Singe, du Renart et du Lievre.
Versión de La Fontaine en inglés/francés/español

Devant le singe fist semondre¹
Renart le lievrea lui respondre
D'une gelline grasse et grosse
Qui cil li embla dans la fosse;
Ainsi dit renart, s'il ne ment.
Là li lievres contreèment²
Respont à ce que il propose
Que ne li embla nulle chose,
Et dit ores talent n'en avoit.³
Quant renart ce entrant et voit,
Qui n'a tesmoing qui dier lui doie,
En jugement son genou ploie,
Contre le lievre tant son gaige.
Et cil qui parla comme saige,
Se prist courtoisement a dire:
Sauve votre grace, beau sire,
Gaige de bataille, en ce cas,
Je cuide quíl n'affiere pas:
Car, par l'ordenance royal,
S'il n'a presontion loyal,
Cheval nen iert ja en selle
Contre seli qui est appele;
Ou s'il n'i a mehain ou mort, ⁴
Ou traison pour homme mort,
Ou s'ossement n'est brisié:
Encor tout ce n'est point prisié,
Se l'en peut trouver teesmoignage.
A doncque n'i puet escheoir gage,
Si le cas n'est si evidables
Qui par lui soit uns homs pendables.
Tu ne demandes qu'une poule
Dont tu voulois fourrer ta goule:
Ne valoit que douse deniers,
Tournois ou parisis peliers;
Or ne doit-on un home pendre,
Se la chose ne puet-on vendre
Plus de v souls, qui est emblée,
Selon commune renommée:
Ainsi le tient l'assertion
De disieme collation.
Drois ne veult que pour larrecin
Mette l'en personne a la fin,
Se n'est larron de renommée
Qu'en doit pendre a fourche levée.
J'en demande drois a la court.
Li juges qui voit bien le hourt, ⁵
Et la deliauté renart, ⁶
Et cogneust sa guille et son art, ⁷
Et vit bien par presoncion
Qu'il avoit mauvaise accion,
Si commende que il se taise:
Car il a querelle mauvaise.
Le lievres te met bien ennui:
Pour ce proposes contre lui.
Preudomme est et de bonne vie,
De toy maufaire n'a envie.
Faites pais et bonne accordance.
Simplesse si est demonstrance
En personne de vérité;
Et barat vient de fausseté; ⁸
Homme qui s'acointe et apresse
Mauvaistié, a poine la laisse.
Tels s'accoustume a bareter: ⁹
A poines l'en puet-on geter:
La cruche sant adès l'oudeur¹⁰
De ce que tient a la saveur;
Et les aux resant le mottier. ¹¹
Barat de Barat est portier.
Qui est acoustumé de nuire,
Grans puet tricherie muire.
Ce qu'en apprent en sa jonesce
Fault l'en continuer en vieillesce.