Primera Crónica general (Estoria de España)
que mandó componer Alfonso X, el Sabio (continuado bajo Sancho IV en 1293)



Cpt. 851 contiene el episodio de las arcas: (tiradas 6-11)
"Et pues que el Cid ouo comido, apartosse con Martin Antolinez et dixol como non tenie de que guisasse su companna, et que queria mandar fazer con su conseio dos arcas cubiertas de guadamesci et pregarlas et guarnirlas muy bien et enchirlas de arena; et aun dixol: «leuarmelas edes uos a dos mercaderes que a aqui en Burgos, que son muy ricos; all uno dizen Rachel et all otro Bipdas; et dezirles edes que yaze en ellas muy grand auer en oro et en piedras preciosas, et que ge las quiero empennar por alguna poca cosa, ca non quiero leuar comigo agora tan grand auer como esto, et que las quitare al mas tarde fasta un anno, et demas darles e de ganancia quanto ellos quisieren; et si al cabo del anno non ge las quitar, que las abran et que se entreguen de su auer, et lo al que lo guarden fasta que yo enuie por ello. Et bien sabe Dios que esto que lo fago yo amidos; mas si Dios me diere conseio, yo gelo emendare et gelo pechare todo». Pues que las arcas fueron fechas et fermosamientre guisadas, fuesse Martin Antolinez pora los mercadores, et dixoles tod aquello, assi como el Cid le dixiera, et puso con ellos quel diessen DC marcos: los CCC de plata et los CCC de oro. Et desque fue de noche fueron los mercadores por las arcas a la tienda del Cid, et pusieron alli su pleyto con ell como las touiessen fasta cabo de un anno, que las non abriessen; et nombraron quanto les diesse de ganancia. Desi leuaronlas pora sus posadas los mercaderos; et Martin Antolinez fuel por all auer, et aduxolo. El Cid, qual ora touo all auer en su poder, mando luego arrancar las tiendas."

nn = ñ
gelo = se lo
ouo = hubo
leuar = llevar
f inicial = h
edes = mas o menos habéis (vos)


Return to Spanish 480 homepage