f. 70 ^ra

I hesu þat for vs wolde die ^.
    And was boren of maiden marie ^.
    For₃iue vs louerd oure misdede ^.
    And help vs ate oure moste nede ^.
    To þo þat habben laiser to dwelle ^.
    Of holi writ ich wole ₃ou telle ^.
    And alle þat taken þer to hede ^.
    God wille quiten al here mede ^.
    Þer be₃ dedli sinnes seuene ^.
    Þat lette₃ man to come to heuene ^.
A nd ihesu cristes hestes ten ^.
Þat children and wimmen and men ^.
O f twelue winter elde and more ^.
A fter holi cherche lore ^.
E uerichone þai sscholden knowe ^.
B ut to lerne þai be₃ to slowe ^.
A nd þe pater noster and þe crede ^.
Þ er offe ₃e sscholden taken hede ^.
O n englissch to segge what hit were ^.
A ls holi cherche ₃ou wolde lere ^.
F or hit is to þe soules biheue ^.
E ch man to knowen his bileue ^.
A nd also ₃e sscholden habben in minde ^.
C risten men þat were kynde ^.
G odes passion biter als galle ^.
Þat he þolede for vs alle ^.
T o sturen out of dedli sinne ^.
O f þise þinges ich wille beginne ^.
Þ at ich habbe here isaid ^.
L et hit in ₃oure hertes be leid ^.
P oure and riche ₃onge and old ^.
A nd ₃e sscholle here hit itold ^.
W e sschulle be knowe to ihesu crist ^.
A nd to his moder marie ^.
A nd to alle halewen ^.
A nd Merci hem crie ^.
Þ at we habbe₃ him agult ^.
I n flessches luste oure lif ipult ^.

                                                                                    f. 70 ^rb

I n pride we habben lad oure lif ^.
A nd þourgh here imaked strif ^.
I n glotonie oure lif ilad ^.
A nd oþer men þar to irad ^.
Þ ourgh pride ^. and þourgh glotonie ^.
W e habben iliued in lecherie ^.
B oþe wi₃ dede and wi₃ þought ^.
V nkyndeliche wi₃ mi bodi wrought ^.
I n nithe ^. and onde we habben lein ^.
A nd wi₃ oure tonges men islein ^.
T o coueitise oure hertes ₃iuen ^.
I n pride of richesse for to liuen ^.
I n sleuthe we habben founden ofte ^.
A nd loked þe foule bodi softe ^.
Þ ise be₃ dedli sennes seuene ^.
Þ at lette₃ man to come to heuene ^.
H erkne₃ nou wimmen ^. and men ^.
I esu cristes hestes ten ^.
Þ at we habben broken ofte ^.
A nd loked þe foule bodi ful softe ^.
N owt worsschiped god as we sscholde ^.
I n coueitise lad oure lif on molde ^.
E uele iloked oure haliday
L itel don þat þer to lay ^.
I n mo godes leued þan in on ^.
I n tales ^. in fantomes mani on ^.
O n þe bok falsli sworen ^.
A nd ofte fals witnesse boren ^.
Þ efliche we _^" þing istole "habben ^.
A nd oþer mannes þefte ihole ^.
B oþe in ernest and in game ^.
I n ydel nemned godes name ^.
H oure emcristene we habben islawe ^.
A nd wi₃ oure tounge al to drawe ^.
W e habben in hoker and scorning ^.
O ure emcristene driuen to heying ^.
Þese be₃ godes hestes ten ^.
    Herkne₃ men and wimmen ^.

                                                                                    f. 70^va

A nd ₃e sschulle here on englissch iwis ^.
W hat ₃oure pater noster ^. is ^.
O ure fader in heuene riche ^.
þ i name be blessed cuere iliche ^.
I n þi kyngdom louerd ^.
Þ at milde art and stille ;
B oþe in heuene ^. and in erthe ;
F ulfeld be þi wille ^.
I hesu ful of grace ^. louerd þat al do mai ;
O ure eueriches daies bred ^.
G raunte vs louerd to dai ^.
A nd for₃iue vs louerd ^.
Þ at we habbe₃ agult ;
A ls we for₃iue₃ oþer men ^.
I n oure grace þat be₃ pult ^.
I n þe fendes fonding louerd ^.
N e let vs neuere dwelle ^.
D eliuere vs þourgh þi grace ^.
F ram þe pine of helle ^. A ^. M ^. E ^. N ^.
O n englissch þis is ;
3 oure pater noster iwis ^.
L estne₃ nou and taked hede ^.
A nd ich wille tellen ₃ou ₃ourcrede ^.
We sschulle bileue on ihesu crist ^.
    Fader al weldinde ^.
    Sscheppere of heuene and of erthe ^.
A nd of alle þinge ^.
A nd in ihesu crist fader and sone ^.
A nd oure louerd icoren ^.
I kenned of þe holi gost ^.
A nd of a maiden iboren ^.
V nder Pounce pilate ^.
H e þolede pines stronge ^.
V pon þe rode he was idon ^.
A nd þolede de₃ wi₃ wronge ^.
H is bodi was iburied ^.
A mang þo Iues felle *
A ls his swete wille was

                                                                                     f. 70 ^vb

H e li₃te in to helle ^.
Þ e soules þat were hise ^.
H e browghte hem out of sorewe ^.
A nd ros fram deþe to liue ;
V pon þe þridde morewe
T o heuene he steygh₃ þer he sit ^.
Þat al þe werld sschal di₃te ;
V pon his fader ri₃t hond ^.
O ure louerd ful of mi₃te ^.
A t þe dai of Iugement ^.
H e sschal comen to deme ^.
B oþe þe quike and þe dede ^.
E ch man take ₃eme ^.
W e sschulle bileue on þe holi gost
A nd holi churche bileue ^.
A nd on alle halewen ^.
Þat no þing mai greue ^.
I n remissioun of oure sinnes ^.
Þat we sschulle vprise ^.
A nd come bifore ihesu crist ^.
Þat sschal be ri₃t Iustice ^.
W e sschulle come biforen him ^.
A lle on domes dai ^.
A nd after habbe þe lif ^.
Þat sschal lasten ai ^.
G ode men so god me spede ^.
Þ is is on englissch ₃oure crede
A nd a while ₃if ₃e wulle dwelle ^.
Þ e Aue marie ich wille ₃ou telle ^.
H eil be þou marie ^.
L euedi ful of grace ^.
G od is wi₃ þe leuedi ^.
I n heuene þou hauest a place ^.
I blessed mote þou be ^.
L euedi of alle wimmen ^.
A nd þe frut of þi wombe ^.
I blessed be hit amen ^.
A men is to seggen ^.

                                                                                    f. 71^ra

S o mote hit be ^.
Þ is pater noster and crede ^.
A nd marie Aue ^.
Nou habbe ₃e herd ₃oure bileue ^.
    Þat is maked to soule biheue ^.
    Herkne₃ a while ₃e þat mowen ^.
A nd herkne₃ godes passioun ^.
Þ at he þolede for man kynde ^.
F or godes loue holde₃ hit in minde ^.
In holi writ hit is told ^.
Þo Iudas hadde ihesu sold ^.
Þ e Ieues token alle o red ^.
Þ at swete ihesu sscholde be ded ^.
A nd comen armed wi₃ lanterne li₃t ^.
A nd nomen ihesu al be ni₃t ^.
A nd ladden him forht amang alle ·
I n to Cayfases halle ·
A nd þere he was wel euel idi₃t ·
T il on þe morewe al þat ni₃t ·
O n morewe þo þat þe dai sprong ·
Þ ei deden ihesu crist wrong ·
B ounden hise e₃ghen and buffated him sore ·
A nd ₃it he þolede mochele more ·
I wes ful of pride and hete ·
I n his visage gbnne spete ·
I hesu for þat foule despit ·
Þ at hente þi bodi þat was so whit ·
3 iue vs grace þis dai to ende ·
I n his seruise þe fend to sschende ·
¶I n holi writ hit is ifounde ·
Þ ere ihesu stod vpon þe grounde ·
Þ o hit cam to prime of dai ·
I wes dedin him gret derai ·
B ifore þe maistres of þe lawe ·
A s a þef he was idrawe ·
H ere and þere he was ipult
A nd swete ihesu he ne hadde no gult ·
B ut al þe sorewe þat he was inne ·

                                                                                    f. 71 ^rb

A l to gidere was for oure sinne ·
¶I hesu for þat foule derai ·
Þ at þou hentest at prime of dai ·
3 iue vs grace of sinne arise ·
A nd enden in his swete seruise ·
¶Þ ous telle₃ þise wise men of lore ·
Þ at ihesu þolede for vs more ·
I hesu þolede for to binde ·
A t vndren hise honden him bihinde ·
T o a piler and beten faste ·
W hile þe scourges wolden laste ·
I hesu for þat mochele sorewe ·
Þat he tholede oure soules to borewe ·
B renge vs out of dedli sinne ·
A nd alle þat liggen ibounden þer inne ·
¶I n holi writ hit telle₃ þous ·
W el more þolede swete ihesus ·
I hesu þolede at middai ·
A nd nowt ones saide nai ·
I wes nailen him on þe rode ·
F or oure gult and for oure gode ·
A nd wel midliche he let ·
Þ urle his hondes and his fet ·
H is heued was crouned þat was sene ·
W i₃ sscharpe thornes and wi₃ kene ·
Þ at euerich þorn made a wonde ·
Þ e stremes ronnen doun to grounde ·
I hesu for þo harde stoundes ·
Þ at þou þoledest and bitter wondes ·
F or₃iue vs þat we habbe₃ agult ·
A nd lete vs neuere in helle be pult ·
¶A ls telle₃ þe profecye ·
A litel er he sscholde dye ·
S wete ihesu þo hit was non ·
T o his fader he bad a bon ·
H e sscholde for₃iuen hem þe gult
Þ at him hadden on rode ipult
A bitter drinkke him was i₃oue
 
                                                                                     f. 71 ^va

V pon þe rode for oure loue ·
Þ ourgh counseil of þe Iwes alle ·
A isil and swot menged wi₃ alle
I hesu þat was wonded sore ·
T asted þer of and nolde nammore ·
A t þat time wi₃outen bost ·
S wete ihesu ₃ald þe gost
¶H is swete bodi þat was so whit ·
3 it þai deden hit more despit ·
Þ e Iwes token hem to red ·
Þ o swete ihesu crist was ded ·
A t his herte þai maden a wounde ·
W i₃ a spere sscharpe igrounde ·
I n at his side þe spere rof ·
B lod and water out þer drof ·
M oste no þing leue wi₃ inne ·
A nd al to gidere for oure sinne ·
I hesu þat hanged vpon þe rode ·
A nd deide þer on for oure gode ·
N owt for his gult but for oure sinne ·
S ende pees amang mankenne ·
¶Þ ise clerkes þat comme of letture ·
F inden in holi scripture ·
Þat ihesu þat al þe werld had wrought ·
H euene and erthe made of nowt ·
Þ o euensongtime was icome ·
D · oun of þe rode he was inome ·
W i₃ ioseph and wi₃ oþer mo ·
O f hise desiples þat were þo ·
Þ o oure swete leuedi segh₃ ·
H is bodi hangen on rode hegh₃ ·
H is honden þurled and his fet ·
B ittere teres and blodi he let ·
F or þo bittere teres and smerte ·
Þ at comen fram his moder herte ·
B iseche we him ₃if his wille be ·

                                                                                        f. 71 ^vb

H e ₃iue vs grace helle to fle ·
A nd in heuene to habben a place ·
Þ at we moten sen his face ·
¶I n holi writ hit is irad ·
I hesu þat on þe rode was sprad ·
Þ o he hadde þoled his wo ·
A nd þe dai was al ago ·
I n holi writ hit is iseid ·
I n sepulcre he was ileid ·
A nd als we here þise clerkes telle ·
H e li₃te a doun and herewede helle ·
A nd tok out Adam and Eue ·
A nd alle þo þat him were leue ·
Þ o he hadde browt hem out of sorewe ·
H e ros fram deþe þe þridde morewe ·
T o heuene he steigh₃ þourgh his mi₃t ·
Þ at al þe werld sschal deme and di₃t ·
E uere more þere to wone ·
S ohtfast god fader and sone ·
¶B iseche we þanne god in heuene ·
F or hise blessed names seuene
Þ at made boþe mone and sterre
S ende pees þere is werre ·
A nd ₃iue cristenemen grace ·
I n to þe holi lond to pace
A nd sle Sarazins þat be₃ so riue ·
A nd lete be cristenemen on liue ·
A nd saue þe pes of holi cherche ·
A nd ₃iue vs grace so to werche ·
Þ at we mowen gode acountes make ·
O f þat god vs haue₃ itake ·
A t þe dom whan he sschal stonden ·
W i₃ blodi sides fet and honden ·
A nd parten al þe werld a two ·
Þ at on to wele þat oþer to wo ·
F or als we here clerkes telle ·

                                                                                        f. 72 ^ra

Þ at o part iwis sschal to helle 
A nd forsothe ₃if þai lie ·
Þ anne lies þe profecie ·
A nd þat oþer part sschal wende ·
I n to blisse þat haue₃ non ende ·
T o þat blisse bringe vs he;
Þ at is and was · and euer sschal be ·

AmeN ·

 
 

(version: 26 January 1998)