f. 31vb
Als y lay in a winters niõt·
In a droupening bi for þe day·
Me þouõt y seiõe a selli siõt·
A bodi opon a bere lay·
He hadde ben a modi kniõt·
& litel ser ued god to pay·
For lorn he had his liues liõt·
Þe gost moued out & wald oway·
¶ When þe gost it schuld go·
It bi went & wiþ stode·
Bi held þe bodi þat it com fro·
Wiþ rewe ful chere & dreri mode·
& sayd allas & walewo·
Þou fikel flesche þou fals blod·
Whi liistow stinking so·
Þat whilom was so wilde & wode·
¶ Þou þat were y wont to ride·
So fair on hors in & out·
A queint kniõt y kid ful wide·
Als a lioun fers & prout·
Wher is now þi michel pride·
& þi lede þat was so loude·
Whi liistow now so bare of side·
Y pricked in a pouer schroude·
¶ Whare ben al þine worþliche wede·
Þine somers wiþ þine riche bed·
Þi proude palfrais & þi stede·
Þat þou about in destrer led·
f. 32ra
Þine haukes þat were won to grede·
& þine grehoundes þat þou fed·
Me þenke þine be ful snede·
Now alle þine frendes be fro þe fled·
¶ Whar ben þine markes & þine poundes·
Þi folk & þi fair fyõe·
Þi riche tresour bi rof & grounde·
Þi briõt broches ring & beiõe·
Who durst þe bede stroke or wounde·
When þi baner was rered on heiõe·
Yuel artow proued in a stounde·
Þi tayl is cutted þe ful neiõe·
¶ Whare be þine cokes snelle·
Þat schuld go to grayþe þi mete·
Wiþ swot spices for to smelle·
Þat þai were neuer ful to frete·
To make þi foule flesche to swelle·
Þat wilde wormes schal now ete·
& ich haue þe peyne of helle·
Þurch þi glotonie y gete·
¶ Whare be þine castels & þine tours ["s"subpuncted]
Þine chaumbers & þine heiõe halle
Þat paynted were wiþ prout flours ["s"subpuncted]
& þine riche robes alle·
Þine quiltes & þi couertours· ["s"subpuncted]
Þi cendel & þi purpel palle·
Wreche ful derk it is þi bour·
To morn þou schalt þer in falle·
¶ Whare be þine glewemen þat schuld þe glewe·
Wiþ harp & fiþel & tabour bete·
Trumpours þat þine trumpes blewe
Hem þou õeue õiftes grete·
Riche robes held & newe·
For to glewe þe þer þou sete·
Tregettours þat were vn trewe·
Of þe hye hadde grete biõete·
¶ For to bere þi word ful wide·
& maky of þe rune & raf
Riche men for pamp & pride·
Largeliche of þine þou õaf·
Þe pouer õede al bi side·
Euer þou hem ouer haf·
& õif þai com in þine vn ride·
Þai were y striken wiþ a staf·
f. 32rb
¶ Of þe pouer þou it nam·
Þat mani a glotoun ete & drank·
Þou no rouõtest neuer of wham·
No who þer fore sore swank·
Þe riche was welcom þer he cam·
Þe pouer was beten þat he stank·
Now alle is gon in godes gram·
& þou hast wreche litel þank·
¶ To morwe anon as it is day·
Out of kiþ fram alle þine kin·
Alle bare þou schalt wende oway·
& leuen al þine wardes winne·
Fram þe palays þat þou in lay·
Wiþ wormes is now y taken þin in·
Þi bour is bilt wel cold in clay·
Þe rof schal take to þi chin·
¶ Þou þat neuer in alle þi liue·
Of þis warldes mock miõtest be sad·
Now schaltow haue at al þi siþe· ["w" inserted above]
Bot seuen fet vnneþe þat·
Þou miõt y se þe soþe & kiþe·
Þat al is lorn þat þou bi õat·
No schaltow neuer make þe bliþe·
Þer oþer men schal make hem glad·
¶ Of alle þat þou to giders drouõ·
Þou were harder þan þe flint·
Swiche schal make him large anouõ·
Þat þou wel litel haddest y mint·
Þou þat madest it so touõ·
Al þi bo baunce is now y stint·
Ich may wepe þat þou bi louõ·
For al mi ioie for þe is tint·
¶ Þi fals air schal be ful fain·
Þi fair fe to vnder fo·
Now wele is him þis day y sein·
Þat litel gode schal for ous do·
He no word nouõt õiue oõain·
To bring ous in to rest & ro·
Of alle þi lond an acre or tvain·
Þat þou so sinfuly com to·
¶ Þi wiif no wil n0 more wepe·
To niõt no miõt he haue no rest·
No for fele þouõtes slepe·
To wite what maner miõt be
best·
f. 32va
In þi stede for to crepe·
Bi þis hye wot anoþer al prest·
Be þou be to morwen doluen depe·
Anon þai schal be trewþe fest·
¶ Now schul þine sekato urs seck
Al þi gode when þou art ded·
Al to gider schal go to wrek·
Haue men deled a litel bred·
Ich man pike what he may skek
Hors & swine schepe & net·
Gold & siluer daþet who rec
Ne be we boþe bi tauõt þe qued·
¶ Now may þine neiõbours liue·
Wreche þatow hast wo y wrouõt·
Þou stintest neuer wiþ hem to striue·
Til þai were to pouert brouõt·
He was þi frende þat wald þe õiue
& þi fo þat õaf þe nouõt
Þe curs is comen þat now wil cliue·
Þat mani a man haþ þe bi souõt·
¶ Now beþ þe bedes on þe liõt·
Wreche þer y se þe lie·
Þat mani a man bad day & niõt·
& lay on her knes to crie·
Allas þat ich wreched wiõt·
Schal so gilteles abie·
Þine misdedes & þine vn tiõt·
& for þe hard paines drie·
Corpus respondit anime
When þe gost wiþ reweful chere·
Hadde y maked þis michel mone·
Þe bodi þer it lay on bere·
A gastlich þing as it was on·
Lift vp his heued opon þe swere·
As it were sike it gan to gron·
& seyd wheþer þou art mi fere·
Mi gost þat is fro me gon·
¶ It seyd wheþer þou be mi gast·
Þat me abreidest of min vn hap·
Vn comli me þouõt min hert brast·
When deþ so diol fuli me drap
Y nam þe first no worþ þe last· ["n" later inserted]
Þat haþ y dronken of þat nap·
Nis non so kene þat he is cast· ["so" inserted below]
f. 32vb
Þe prodest arst may kepe his clap· ["l" inserted above]
¶ Wele y wot þat y schal rote·
So dede alisaunder & cesar·
Þat no man miõt of hem finde a mot·
No of þe moder þat hem bar·
Wirmes ete her white þrote·
So schal mine wele am y war· ["m"of "mine" corrected from "y"]
When deþ so scharpliche schet his schot·
Þer nis non oõain char·
¶ Þer y seiõe boþe clerk & kniõt
& old man bi gates go·
Y was aõong man & liõt·
& euer wende to him so·
Halles heiõe & bours briõt·
Y hadde y bilt & mirþes mo·
Mi woning here wel wele y diõt·
& now deþ haþ me dempt þer fro·
¶ Mi woning here wel worþli wrouõt·
& wende to him õeres fele·
Wodes wones watres y bouõt·
Wiþ al þat ich miõt pike & spele·
Þe world is torned to õain mi þouõt
When deþ þat stilly can stele·
& haþ me dempt oway wiþ nouõt·
& oþer welden alle mi wele·
¶ Soule õif õou it me wilt at wite·
Þat we schul be boþe y spilt·
Õif þou hast schame & gret despite·
Al it is þine owhen gilt·
Y þe say at wordes lite·
Wiþ riõt resoun õif þatow wilt·
Þou berst þe blame & y go quite·
Þou scholdest fram schame ous haue y schilt
¶ For god þe schope after his schaft· ["g" of "god" corrected from ?"þ"]
& õaf þe boþe wit & skille·
In þi lokeing y was laft·
To wissi after þine owhen wille·
I no couþe neuer of wiche craft·
No wist what was gode no ille·
Bot as a bodi doumbe & daft·
As þou tauõtest me þer tille·
¶ Seþþen y was tauõt þe to õeme·
A witteles best as y was born·
& for to serui þe to queme·
f. 33ra
Boþe an euen & eke a morn·
Þou þat couþest domes deme·
Þou schult haue ben war bi forn·
Of me soule þou haddest to õeme·
Wite þi self þou art for lorn·
Iterum anima corpori·
Þe soule seyd bodi be stille·
Who hast þe lerned al þis witt·
Þou castest me þis wordes grille·
& list y bollen as a bit·
What wenestow wreche þei þou fille·
Wiþ þi foule flesche a pit·
Of al þine dedes þou hast don ille·
Þat þou so liõteliche schal go quit·
¶ What wenestow wreche to gete griþ·
Þei þou lege loken in clay·
& þei þou roti pil & piþ·
& blowe wiþ þe winde oway·
Õete þou schalt com lim & liþ·
Oõain to me at domesday·
Stond at court & y þe wiþ·
To kepe þere our hard pay·
¶ For in þi lokeing y was laft·
For to do a stow me bede·
Þe bridel wiþ þe teþ þou lauõt·
& dede it ay oõain mi red·
To schame & sorwe it was þi drauõt·
To vilanie & wicked hed·
Õern y chidde & wiþ þe fauõt·
& euer þou toke þine owhen red·
¶ Y bad þe þenke in soule nedes·
Messes matines & euen song·
Þou seyd þou most don oþer dedes·
For þat was ydel mannes gong·
To wede or to feld þou õedest·
Or to court to deme wrong·
Bot for pride or gret medes·
Litel gode þou dest among· ["d"of "dest" corrected from first strok of "þ"]
¶ Who may more tresoun do·
Or his lord better bi gine·
Þan he þat al his trist is to·
& is wiþ him as owhen hyne·
Þo þat þou were þriuen & þro·
& knewen al werkes mine·
f. 33rb
Þi selue þou puruaidest rest & ro·
& damnedest me to helle pine·
¶ Now may wilde bestes ren·
& woni vnder linde & lef·
Foules fle bi feld & fen·
Seþþen þi wreched hert clef
Þine eiõen er blinde & may nouõt kenne·
Þi mouþe is doumbe þi ner is def·
& loþly list on me to grenne
¶ Þar nis no leuedi briõt of ble· ["i" of "leuedi" added later?]
Þat wele was wont of þe to lete·
Þat o niõt wald ly bi þe·
For þing þou miõtest hir bi hete·
Þou art vn semly for to se
Vn comly for to kis swete·
Þou no hast no frende þat nil þe fle·
& þou com starteling in þe strete·
Corpus respondit anime
Þan þe bodi bigan to say·
Soule þou hast wrong ywis·
Al þi gilt on me to lay·
Þat þou hast lorn heuen blis·
Whar was y bi wode or way·
Sat or stode or dede ouõt mis·
Þat y no was euer vnder þine ay·
Wele þou wost & soþe it is·
¶ Or whare õede ich vp & doun·
Þat y no bare þe at mi bac·
& was þine hors fram toun to toun
At eueri stede y make þe mak·
Ful wele þou wistest of mi roun·
What ich dede or what y spac·
Bi skil þou art y brouõt adoun·
& y go quite wiþ outen lac·
¶ For al þe while þou was mi fere·
Ich hadde alle þat me was nede
Ich miõt y se speke & here·
Õede & rode drank & ete·
Loþliche ischaunched is Mi chere· ["is" inserted above]
Seþþen þe time þat þou me lete·
Def & doumbe y ligge on bere·
Y no may stir hond no fet·
Iterum anima corpori·
Þe
soule seyd it is no dout·
f. 33va
About bodi þou me bare·
Þou mostest nedes þou were wiþ out
Hond & fot & were al war·
Bot as tow bar me about·
Y no miõt nouõt do þe lest char·
Þer fore mot ich nedes stoupe·
So doþ he þat oþer no dar·
¶ In a woman were we bred·
& born to giders boþe to·
& on o barm forsterd & fed·
Ay til þou couþe speke & go·
For loue softliche y þe led·
No durst y neuer do þe wo·
To lese þe y was for dred·
Y nist whare to gete mo·
¶ Y seiõe þe fair of flesche & blod·
Al mi loue on þe y cast·
Þatow me brewe me þouõt gode·
& lete þe haue ro & rest·
Þat made þe wel stern of mod·
& of dedes wel vn wrast·
To wer wiþ þe was me no bot·
Þou bar me opon þi brest· ["bar"inserted above]
¶ Glotonie & licherie
Pride & hat & coueytise·
Niþe & ond & en vie·
Oõaines god & alle hise·
In þat lustes for to lye·
Whar þi won in al wise·
Þat schal y wel dere a bye·
No wonder þei me sore agrise·
¶ Oft we were to giders þrat
What we schuld boþe haue·
Litel hede tok þou of þat·
When þou seiõe ded men in graue·
Þou dest al þat þe warld þe bad·
& þat þi foule flesche wold craue·
& y þe suffred & dede as mad· ["d" in "mad" corrected from "t"]
Þou to be maister & y þi knaue·
¶ Þou þat were so worþly wrouõt·
Þou seyst y maked þe mi þral·
Al þat euer þe of rouõt·
Þou it dest & y for hal·
& y no mis dede neuer nouõt·
f. 33vb
No y no raft no y no stal·
Of þe com euer þe first þouõt·
Abigge who so bigge schal·
¶ Ac haddestow so crist it ouþe·
Õif me hunger þrost & cold·
& chasted me þat no gode no couþe·
To bismar when þat y was bold·
Swiche as y lerd in mi õouþe·
Ich vsed when þat y was old
& went at wil norþ & souþe·
& lete þe haue þi wil at wold·
¶ To sinne þou wist it was mi kinde
As al man kinde is al so·
& be þis wreche worl minde·
& euer couayt mo & mo·
Þou schust haue leten me fast binde·
When y to sinne wold haue go·
Bot when þe blinde lat þe blinde·
In diche þai falle boþe to·
¶ Þan þe soule bi gan to wepe·
& seyd bodi allas allas·
Þat ich euer seiõe þe õete·
For al mi loue on þe y las·
As þou louedest me þou lete· ["d" in "louedest" corrected from "t"]
& madest me an houue of glas
& y dede þat þe þouõt swete·
& þou mi traitour euer was·
¶ When y bad þe schrift take· ["h" inserted above]
& lete þine sinnes ay & o·
Do penaunce fast & wake·
Þe fende seyd þou schalt nouõt so·
So õong þi riot to for sake·
& euer to liue õeres mo·
¶ & when y bad þe arliche arise·
& nimen of þi soule kepe·
Þou seydest þou no miõtest in non wise·
For þi miri morwe slepe·
When õe þre hadde sett õour asise·
No wonder þei y sore wepe·
Õe ladde me bi õour enprise·
Al þe bucher doþ þe schepe·
¶ & when y bad þe lete pride·
f. 34ra
Þat þou no bere þe nouõt so stout·
Þe foule fende was þe bi side·
& bad þou schust be fers & proude·
& weri riche robes wide·
& nouõt as a begger in a clout·
& on heiõe hors ride·
Wiþ fair meine in & out·
¶ When þou hast y told þi fals tale·
Ay þou were oõain me for sworn·
Al þou held tretefale·
Þat men told þe bi forn·
Õe ladde me bi doun & dale·
As men doþ ox bi þe horn·
Þer him schal be browe his bale·
Þat his þrote schal be for sworn·
¶ Ac õiue ichadde ben a nete
Oþer a schepe oþer a swine
Þat õede about & drank & ete
& were y slawe & passed pine·
Þan hadde ich neuer y taken kepe·
No knowe þat ale fram þe wine
Þan hadde ich neuer com in helle depe·
Nouþe at mi last fine·
¶ Ac þei alle vnder mone·
Ous to deme were sett on benche·
On of þe paines ous schal be done·
Þe lest peine no miõt bi þenche·
No helpes ous non bede no bone·
No may we non wiles wrenche·
Helle houndes com sone·
& y no may nouõt fram hem blenche·
Corpus respondit anime
And when þe bodi seiõe þe gast·
Þis wo & þis mone make·
Allas it seyd mi loue y last·
Þat y haue loued for þi sake·
Þat min hert hadde y brast·
When y was fro mi moder take·
& seþþen into a pit y cast·
Vn to a nadder or to a snake·
¶ Þan hadde ich neuer y lerned·
What was iuel no what was gode·
No of þis warldes mok õerned·
No paines þoly as y now mot·
f. 34rb
¶ Owe wher no seynt no may bere our ernd
To him þat bouõt ous wiþ his blod·
In helle fire ar we be for bernd·
Of sum prayer may don ous bot·
Iterum anima corpori·
Nay bodi now is to lat·
For to pray or for to preche·
Now þe wain is atte õat·
& þe tong haþ lorn his speche·
O point of our payn to abat·
In alle þe warld nis no leche·
Ac sikerliche we goþ o gat·
Swiche is godes hard wreche·
¶ Ac haddestow a litel ere·
While ous was to gider liif y lent·
When þou feldest þe sike & sere·
Haue schriuen þe & þe fende y schent·
& haue y late a reweful tere·
& bi souõt ihesu of amendement·
Þe þortest neuer haue had fere·
Þat he no wold ous grace haue sent·
¶ Ac þei alle þe men þat beþ a liue·
Were prestes messe for to sing·
& alle widowes & alle wiue·
Her hondes for þe wold wring·
No miõt telle þe paines riue·
For soþe y seyd wiþ outen lesing·
Seþþen we no miõt ous for schame schriue· ["schriue" inserted above]
Þat schuld ous now to ioie bring
¶ Bodi y may no lenger duelle·
To stond for to speke wiþ þe·
Helle houndes here ich õelle·
& fendes mo þan y may se·
To com to feche me to helle·
& y not whider y may fle·
& þou schalt com wiþ flesche & felle·
At domesday & speke wiþ me·
Hadde he no raþer þis word y seyd·
It wist neuer whider to go·
It was y hent in a brayd·
Wiþ a þousand fendes & õete mo·
¶ & when þai hadde on him y layd·
Her scharpe hokes al þo·
It was in a sori playd
f. 34va
Y toiled boþe to & fro·
Sum were rogged & rowe tayled·
Wiþ brode boches on her bak
Scharpe clawed & long nailed·
Nas no lim wiþ outen lak
Rewefully he was a seyled·
Wiþ mani a fende blo & blak·
Merci he crid & litel vailed·
When god wald take his hard wrak
¶ Sum þe chauel al to þrast
& õoten in þe led al hot·
& bad he schuld drink fast·
& birly about al o brod·
A fende þer com atte last·
Maister he was ful wele y wot·
A colter g lowend on him he cast·
Þat þurch þe hert þe point it smot·
¶ Glaiues glowend to him þai sett·
To bac to brest in ich a side·
Þat at þe hert þe pointes mett·
& made him woundes depe & wide·
& þan þai asked hou þat he let·
His hert þat was ful of pride·
Õif he hadde ani þing þat him hett·
More schame him schuld bi tide·
¶ Worþliche wede forto were·
Þai seyd þat he loued best·
An heui brini for to bere·
Al glowend on him þai kest·
Wiþ hot claspes for to spere·
Þat fast sat to bac & brest·
& hiled al his oþer gere·
A stede him com al so prest·
¶ Þe stede was bridled wiþ a bridel·
A curssed deuel as a cot
Þat loude grad & õeued wide
Þe blo fire fer fleiõe out at his þrote ["fer" subpuncted; "i" inserted above in "fleiõe"]
In a sadel vp to þe mid side·
Ful of scharp pikes y schote
As an hethel on to ride·
& al was gloweand eueri grot·
¶ In þe sadel he was y slong·
As he schuld to þe turnament·
A þousand fendes on him dong
f. 34vb
& al to peces him torent·
At eueri dint þe spark out sprong
As a brond þat were for brent·
Wiþ hote speres he was y stong·
& wiþ her hokes al to rent·
¶ & when he hadde riden þat foule rode·
In þe sadel þer he was sett·
Þai slong him doun als a tode·
& helle houndes to him lett·
& breyd of him þe peces brode·
Wel dole fulliche he was y gret·
Þere þe foule fendes glode·
O blod men miõt folwe þe tred·
Þai bede he schuld hunti & blowe·
¶ & clepe forþ bausan & bewe fiõ viis· ["fiõ" struck through]
His raches him were won to knowe·
He schuld sone blowe þe priis·
An hundred fendes on a rowe·
Forþ him driue maugre his·
Til he com to þat loþ li lowe·
Helle y wot y cleped it is·
¶ When he com to þat foule won·
Þe fendes casten vp a õelle
Þe erþe opened & to chon·
Smok & smorþer þer out welle·
Of wild fir & of bron ston·
Seuen mile men miõt haue þe smelle·
Wel wo is þe soule bi gon·
Þat schal suffri þat tende del·
¶ & when þe soule þis siõt y seiõe·
Whider it schuld it cast a crie·
& seyd ihesu þat art on heiõe
& on þi schaft þou haue mercie·
Þou madest me þat art so sleiõe·
Þi creatour so was y·
As oþer mani þat beþ þe neiõe·
Þat þou so wele hast don by·
¶ Þou þat wistest al bi fore
Whi madest þou me to wroþer hele·
To be to togged & to tore·
An oþer to welden al mi wele
Þo wreches þou woldest haue forlore [extra spaces around "wreches": ?erasure and correction?]
Wele miõtestow hem hadde y spele· ["l" in "spele" corrected from "k"?]
Þat þai no had neuer be bore·
f. 35ra (4/5ths of folio cut away)
To õiue þe...
Þan bi go...
Caitif no...
To crie to ...
No forto c...
Þou hast f...
& þat schalt...
Þou hast y...
& þat schalt...
& al þat le...
¶ Þe foule fend...
Bi top & tay...
& slonggen i...
Doun in to...
Þer neuer s...
Hemself þa...
Þe erþe ano...
Anon þe dor...
¶ When it wa...
In helle it...
On heueric...
Opon þe b...
To ihesu cr...
Oft he cr...
For fere...
Com to...
¶ Y þonki...
His mic...
Þat sar...
A sinful...
Þo þat...
Do schri... ["D" corrected from (?to) "T"]
Nas ne...
Þat god...
¶ Ihesu þa...
& schope...
& wiþ...
Of ame...
Þine...
In heu...
Þi pass...
Þer to...
Explicit...
(Version: MFV 9 September 1998)